2014-imiit 15-imut takornariaqarneq
Iluarsisat aappalaartumik allanneqarput.
Nalunaarummi uani piffissaq pineqarpoq 2014-imi oktobarip aallaqqaataaniit 2015-imut septembarip 30-anut. Kisitsisit tamarmik kisitsisaasivimmut aaneqarsinnaapput http://bank.stat.gl-imi.
Timmisartumut ilaasartaammut ilaasut
Piffissami tassani inuit 73.367-it timmisartumik nunanut allanut angalasimapput taamaasillunilu 2013/14-imut sanilliullugu nunanut allanut angalasut 6,2 pct.-inik amerlisimallutik. Titartakkami takuneqarsinnaavoq, ukiuni kingullerni arfinillinni timmisartukkut nunanut allanut angalasut ikiliartorsimanerat qaangiussimasoq.
Titartagaq 1. Nunanut allanut angalasut
Najoqqutaq: http://bank.stat.gl/TUNUPAX
Nunanut allanut angalasut agguataarlugit imak najugaqarfeqarput 29 pct.-ii nunatsinni najugaqartuupput, 25 pct.-it Danmarkimi, 25 pct.-illu nunani allani, 21 pct.-it, tassa angalasut sinneri nunami sumi najugaqarnersut nalunaarsorneqarsimanngilat. Angalasut katillugit 79.096-it timmisartukkut ilaasartaatikkut attartukkatigullu angalasimapput. Malugiuk, titartakkami 1-imi angalasut timmisartukkut ilaasartaatitigut ilaasimasut taamaallaat takuneqarsinnaasut.
Unnuisarnermut kisitsisit aamma qaffariarnernik takutitsipput. Sinerissami unnuisarfiit tamakkerlugit 2013/14-imut naleqqiullugu unnuinerit 4,7 pct.-inik amerlisimapput, inuillu unnuisimasut 5,9 pct.-inik 2013/14-imut naleqqiullugu amerlisimallutik.
Nalunaarsuut 1. Unnuisarnerit ineriartornerat.
|
|
2010/11 |
2011/12 |
2012/13 |
2013/14 |
2014/15 |
|
Unnuisarnerit amerlassusaat..... |
215.735 |
208.818 |
212.009 |
208.368 |
218.173 |
|
Unnuisartut amerlassusaat ..... |
74.011 |
78.684 |
79.380 |
80.535 |
85.283 |
|
Agguaqatigiissillugu unnuisarnerit. |
2,9 |
2,7 |
2,7 |
2,6 |
2,6 |
Najoqqutaq: http://bank.stat.gl/TUNHOT
Umiarsuarni takornariartaatini ilaasut piffissami 2014/2015-imi 2.464-inik amerlassimapput, tassalu 2013/2014-imut naleqqiullugu 12,3 pct.-inik amerlatsissimallutik.
Titartagaq 2. Umiarsuarnut takornariartaatinut ilaasut amerlassusaat
Najoqqutaq: http://bank.stat.gl/TUNKRP
Skema 1. Takornariqarnermi allannguutit 2013/14-imiit 2014/2015-imut
|
Paasissutissat immikkut qinikkat |
Misissuinermi paasisaq |
Allannguut |
|
Timmisartumut ilaasartaammut angalasut ..... |
6,2 pct,-inik amerlatsillutik 73.367-inik timmisartukkut ilaasartaatikkut angalasoqarpoq |
↗ |
|
Unnuisarfinni unnuinerit amerlassusaat ....... |
4,7 pct.-inik amerlatsillutik, 218.173-inik unnuisoqarpoq |
↗ |
|
Unnuisarfinni unnuisut amerlassusaat ........ |
5,9 pct.-inik amerlatsillutik 85.251-inik unnuisoqarpoq |
↗ |
|
Agguaqatigiissillugu unnuisut unnuisarnerat ... |
Allannguuteqarnani unnuinernik 2,6-inik amerlassuseqarpoq |
… |
|
Init attartorneqartut ...................... |
1,3 pct.-inik ikileriarneq 177.567-inik ininik attartuisoqarpoq |
↘ |
|
Init amerlassusaat ....................... |
0,4 pct.-inik ikileriarneq, init attartukkat 500.538-ullutik |
↘ |
|
Init attartorneqarnerat procentinngorlugu...... |
Agguaqatigiissillugu init 35,3 pct.-ii attartorneqarput 0,2 procentpointinik ikileriarneq |
↘ |
|
Umiarsuarnut takornariartaatinut ilaasut ...... |
12,3 pct-inik amerlatsillutik inuit ilaasut 22.534-iupput |
↗ |
Kisitsisit maanna saqqummiuneqartut tamaasa kisitsisaasivimmi nassaarineqarsinnaapput Naatsorsueqqissaartarfiup nittartagaani http://bank.stat.gl-imi. Namminerlu naatsorsueqqissaakkat atorlugit isikkulersuerusukkuit Kisitsisaasivik atorsinnaavat.